Blog
III Aniversario
Onte cumpríronse tres anos da aparición de Proxecto ARGA na rede: trinta e seis meses nos que se publicaron máis de cento cincuenta rehabilitacións, coas súas correspondentes historias e proxectos, e resumidas en máis de mil cincocentas imaxes.
Neste percorrido estivemos acompañados por máis de tres mil amigos en Facebook e seiscentos en Twitter… e esperamos que esta gran familia virtual aumente e gocemos todos xuntos desta viaxe polas Arquitecturas Rehabilitadas de Galicia.
E foi pensando nestes amigos, en vós, que se nos ocorreu celebrar o noso terceiro aniversario dándovos as grazas por estar aí, por estar ao outro lado da rede, lendo as novas incorporacións semanais, dándonos o voso apoio para buscar novas rehabilitacións, colaborando e aportando as vosas propias intervencións…
E para comezar este novo ano, curso ou como lle queirades chamar... temos moitas novidades e proxectos en marcha, que ao longo das próximas semanas irán vendo a luz. Esperamos que vos gusten, porque sen vós, isto non sería posible.
Un millón de grazas!
